今日系猪BB100日大纪念日，一个似乎唔需要隆重而又几隆重既日子。
我今日特登告假同BB玩左一日：十点几起身等阿B梳洗完同佢做运动（指定动作^^），
之后换衫仔就一家小三口去大象城拿一早订好左既蛋糕
之后就急急脚甘赶返屋屋准备同BB剪个“百岁头”（100天时候剪讨个吉利的说法）
佢开始唔知仲几听话甘俾猪妈妈剪，之后就~~~~
一路郁一路坐唔定，个头摆黎摆去之余仲喊晒口~最后几经辛苦先整左个和尚头出黎：
人生第一次甘短头发，阿B一定觉得个头好凉爽啦
当然忙左甘耐要饮奶奶啦，佢以为就甘就可以舒舒服服吃饱睡返觉，点知我地
仲有下半场等佢睡左先可以做~~
就系做手脚印啦（由于篇幅关系，省略制作过程）
到左晚上睡醒，就由猪BB同妈妈一齐切蛋糕仔啦
当然点都要阿B自己试下味道啦
PS：系呢100日里面，身为父母既我经历左好多事，亦谂左好多事。原来对自己父母既唔理解到依家既感同身受，可以话彻彻底底明白到做一个父母系好唔容易，“养儿一百岁，长忧九十九”一D都唔会夸张。父母无不将最好既最理想既、谂到既全部俾自己仔女，同时出于自己既考虑对仔女作种种既管教约束。而仔女似乎对呢种给予当成应份，果种管教约束当成多余、甚至乎系自由既枷锁。希望猪BB能够健康快乐之余也能明白父母为佢所付出既一切。
WE LOVE U FOREVER！
